Lotek jepang

Abah jalan-jalan jeung urut kabogoh ka Ginza
Jepang.Geus jam 2 beurang can dahar wae, atuh
puguh lapar pisan.
Mah lapar henteu?, ceuk Abah
euIeuh puguh atuh, ieu beuteung mani
kukurubukan kieu
Wah lamun aya restoran Padang mah ngeunah
meureun
Enya nya, biasana gancang, teu perelu mesen
heula
Tuh aya restoran nu palayana make robot!
Enya nya, make robot mah sigana gancang
disuguhkeunana
Kacaritakeun, sup weh ka restoran robot eta.
Gek diuk pahareup-hareup jeung urut kabogoh
Abah.
Enya wae palayana teh robot.
Robot datang ngadeukeutan, pek ngomong :
What is your nationality?, robot nanya.
Indonesia ceuk Abah.
Selamat datang, ceuk robot make bahasa
Indonesia.
Apa bahasa suku Anda?, robot nanya deui.
Sunda, ceuk Abah.
Wilujeng sumping. Bade pesen naon? ceuk robot
make basa Sunda.
Aya lotek?, ceuk urut kabogoh nanya ka robot.
Aya
Pesen dua porsi
Porsi ageung atanapi alit?
Porsi ageung
Sabaraha cengekna?
Nu hiji dua, nu hiji sapuluh
Nganggo kangkung?
Enya
Nganggo waluh?
Enya
Nganggo jengkol?
Enya
Bade jengkol ti China atanapi asli Jepang?
Nu mana wae lah, Abah mimiti rada ambek.
Kacangna bade direndos atanapi di blender?
Kumaha sia !
Kacangna setengah mateng atanapi mateng?
Goreng sing garing!
Nganggo goreng bawang henteu?
Make kehed! Abah sesengor tarik pisan.
Dibungkus daun cau atanapi dipiringan?
Dipiringan !
Lisahna margarine atanapi lisah kalapa?
Jalantah kuya ! bari ambek da geus aya sapuluh
menitna.
Robot cicing, lampuna buburinyaian, sigana mah
keur proses.
Kira-kira tilu menitan kakara robot teh ngomong
deui :
Hatur nuhun. Pesenan katampi. Mung teu tiasa
dicumponan
Naha? Geus lila-lila tanya-jawab teu bisa
dilaksanakeun?
Kumargi teu acan aya jalantahna…
Bisa gelo aing ! Yu Mah indit, teu jadi dahar didieu
ah !
kuring gura-giru indit bari kukulutus
Sumber : http://forum.detik.com/